XXVIII Certame Internacional de Regueifas

O auditorio do Centro Veciñal e Cultural de Valladares acollerá o vindeiro 25 de xaneiro unha nova edición do Certame Internacional de Regueifas. Nesta cita, que xa vai polo número 28, estarán, xunto cos regueifeiros galegos Antonio e Suso de Xornes, Bieito Lobariñas, Josinho da Teixeira e Luis “O Caruncho”, versadores canarios e portugueses, procedentes da illa de Madeira.
Nunha velada conducida por Lupe Blanco poderemos desfrutar da improvisación de Yapci Bienes, Jesús Cristo e o laudista Fernando Murga “Murguita”, que traerán os seus versos dende Canarias. Dende Portugal acudirá á cita o “Grupo D'Improviso”, formado por Roberto Moniz, Guilherme Órfão, Gilberto Reis e João Vieira.
Aínda que esta é a cita principal do certame non é a única e os días 14, 21 e 22 de febreiro levaránse a cabo actividades paralelas.