Xornada de portas abertas no módulo de improvisación oral en verso

O día 4 comezamos un novo módulo de Improvisación Oral en Verso no CIOV, e facémolo con este eventazo!

A partir das 17:00 h, no Museo Verbum, faremos unha xornada de portas abertas para aquelas persoas que aínda non se atreven a improvisar, as que non teñen posibilidade de vir todas as semanas, as que teñen curiosidade por saber de que vai isto da regueifa e as que simplemente queiran pasalo ben escoitando.

Contará con Branca Trigo e Silvia Villar para ofrecer unha mostra de regueifa, e despois impartirase un obradoiro de iniciación express para que calquera que queira se poida unir e botar unhas coplas.

Despois continuaremos coas aulas, que serán mércores e venres en decembro e só os mércores a partir de xaneiro no Museo Verbum de 17:00 a 20:00h. Podédesvos inscribir en actividades.snl@uvigo.org